Saturday, November 5, 2011

எளிய முறை கார்ன் சாலட்

தேவையானவை:

கார்ன் --- 2 கப்
ஹாலப்பினோ மிளகாய் - 1
உப்பு, மிளகுத் தூள் -தேவையான அளவு
மல்லித்தளை - பொடியாக நறுக்கியது - சிறிது


செய்முறை:
  • மக்காச் சோளத்தை உதிர்த்து(அல்லது frozen corn) சிறிது நீர் மற்றும் உப்பு சேர்த்து வேக வைக்கவும். microwave ல் 3 நிமிடம் வைத்தால் போதும்.
  • ஹாலப்பினோ மிளகாயை விதை நீக்கி பொடியாக நறுக்க
    வும்.
  • தண்ணீரை வடித்து விட்டு அதில் நறுக்கி மிளகாய், மல்லித்தளை மிளகுத்தூள் சேர்த்து கலக்கவும்.


தக்காளியையும் விதை நீக்கி பொடியாக நறுக்கி சேர்க்கலாம்.

Wednesday, September 14, 2011

பூக்கும் விடியல்கள்

விழிகளில்.............
நேற்றைய கண்ணீரின்
ஈரங்கள்

நினைவுகளில்............
நடந்து வந்த பாதையின்
நிஜங்கள்

காற்றில்................
ஊர்வலம் போயின
சில நினைவுகள்

நிஜங்களில்........
சிதைந்தன பல
எண்ணங்கள்

ஆத்மாக்களில்...........
தேடப்பட்டன பல
உறவுகள்
தேடல்களில்
தொலைந்து போனோம்
நாம்.........

போன காலங்களால்
புரிந்து கொள்வோம்
பூக்கும் விடியல்களின்
புதிய வரவை!
புதிய உறவை!

Tuesday, May 10, 2011

என் வீட்டு தோட்டத்தில்

இங்கே வந்து தோட்டம் போடணும்கற ஆசை ஒரு வழியா இந்த வருஷம் நிறைவேறுச்சு. ஃபிப்ரவரி மாசத்துலயே மண்ணு வாங்கி, பாத்தி கட்டி ஆரம்பிச்சாச்சு. இப்போ இருக்கற நிலவரம் இது.




Raised bed garden.
மஞ்சள்


வாழை
ஸ்பினாச்
வாழை & தண்டங்கீரை
பீர்க்கங்காய்
அவரை
கத்தரி
வெண்டைக்காய்
மிளகாய்
தக்காளி
மல்லி
பொன்னாங்கண்ணி கீரை
துளசி
செங்கீரை (கீரையே இல்லியேன்னு பாக்கறீங்களா, இதோ கீழ இருக்குது)

பறிச்சு பொரியல் பண்ணி சாப்டாச்சு. இந்தியா போயிட்டு வந்து அடுத்த update போடறேன். இந்தியா போயிட்டு Augustலதான் வரப்போறேன். அதனால ஒரு long leave.


Tuesday, April 19, 2011

அன்னாசி & தர்பூசணி ஜூஸ்


தேவையானவை


அன்னாசித்துண்டுகள் - 1 கப்
தர்பூசணித்துண்டுகள் - 1 கப்
தேன் - 1 டீஸ்பூன்

செய்முறை
  • எல்லா பொருள்களையும் மிக்ஸியில் சேர்த்து நன்கு அரைக்கவும்.
வெயிலுக்கு ஏற்றது. ஐஸ் துண்டங்கள் வேண்டுமானால் சேர்க்கலாம்.


மேனகா கொடுத்த விருதுக்கு நன்றி!!


Tuesday, April 12, 2011

ஃப்ரூட் சாலட்(Fruit Salad)

இது மிகவும் சுலபமான மற்றும் சுவையான dessert.

தேவையானவை:
Whip Cream - 1 cup
மாம்பழக்கூழ் (Mango pulp) - 1/4 cup

பழக்கலவை - பொடியாக நறுக்கியது
(ஆப்பிள், ஸ்ட்ராபெர்ரி, திராட்சை, ஆரஞ்சு, மாதுளை.......)


செய்முறை:

  • விப் க்ரீமுடன் மாம்பழக்கூழை சேர்த்து நன்கு கலந்து ஃப்ரிட்ஜ்ல் வைக்கவும்.
  • பழங்களை பொடியாக நறுக்கி வைக்கவும்.
பழங்களை க்ரீம் கலவையுடன் கலந்து
சிறிது நேரம் ஃப்ரிட்ஜ்ல் வைத்து சாப்பிடலாம்.


ஒரு கப்பில் சிறிது பழங்கள், சிறிது க்ரீம்கலவை, பழங்கள், க்ரீம் கலவை என்று அடுக்கி சாப்பிடலாம்.


Sunday, February 13, 2011

வெஜ்ஜி பஃப் ஹார்ட்ஸ் (Vegetable puff hearts)


இது மகி செய்த வெஜ் பேஸ்ட்ரி வீல்ஸ் மாதிரியேதான் கொஞ்சம் மாற்றி செய்துள்ளேன். Valentine's day special

தேவையானவை
பஃப் பேஸ்ட்ரி ஷீட் - 1
முட்டை - 1

ஸ்டஃபிங் செய்ய:
உருளைகிழங்கு - 1
கேரட் - 1/2
காளிஃபிளவர் - 1/4
பீன்ஸ் - 5
பட்டாணி - 1/4 கப்
வெங்காயம் - 1/4
தக்காளி - 1/2
பச்சைமிளகாய் - 2
மிளகாய்த்தூள் - 1 டீஸ்பூன்
கரம் மசாலா - 1/4 டீஸ்பூன்
மல்லித்தளை

செய்முறை
  • பஃப் பேஸ்ட்ரி ஷீட்டை 1 மணி நேரம் முன்பு ஃப்ரீஸரில் இருந்து எடுத்து வெளியே வைக்கவும்.
  • காய்களை நறுக்கி குக்கரில் வைத்து 2 விசில் விட்டு எடுக்கவும்.
  • வெங்காயம், பச்சைமிளகாய், தக்காளி மற்றும் மல்லித்தளையை பொடியாக நறுக்கி வைக்கவும்.
  • கடாயில் எண்ணெய் விட்டு வெங்காயம், மிளகாய் , தக்காளி சேர்த்து வதக்கவும்.
  • வேக வைத்த காய்களை நன்கு மசித்துக்கொள்ளவும்.
  • வதங்கிய வெங்காயத்துடன் மிளகாய்த்தூள், கரம்மசாலாத்தூள், உப்பு சேர்த்து கலந்து, மசித்த காய்களையும் சேர்த்து நன்கு கலந்து கொதிக்கவிடவும்.
  • எண்ணெய் பிரிந்து வரும்வரை கொதிக்கவிடவும்.
  • பிறகு பேஸ்ட்ரி ஷீட்டை விரித்து சிறிது மைதா மாவு தூவி தேய்த்து கொள்ளவும்.
  • கய்கறி மசாலாவை பேஸ்ட்ரி ஷீட்டில் நன்கு பரத்தவும்.
  • பிறகு அதன் ஒரு பக்கமிருந்து உள்புறமாக ரோல் செய்து பாதியில் நிறுத்தவும்.
  • அதன் மறுபுறம் இருந்தும் உள்புறமாக ரோல் செய்யவும்.
  • மத்தியில் இரண்டுபுறமிருந்தும் ரோல் செய்ததை ஒன்றன் மேல் ஒன்று இருக்குமாறு செய்து , பிளாஸ்டிக் ஷீட்டில் சுற்றி ஃப்ரீஸரில் சிறிது நேரம் வைக்கவும்.
  • பிறகு அதை வெளியில் எடுத்து கத்தியில் நறுக்கி பேக்கிங் ட்ரேயில் சிறிது இடம் விட்டு அடுக்கவும்.
  • முட்டையில் சிறிது தண்ணீர் விட்டு நன்கு அடித்து எடுத்து , ட்ரேயில் வைத்த பஃப்ல் தடவவும்.
  • 400F முற்சூடு செய்த அவனில் 10 - 13 நிமிடம் வைத்து எடுக்கவும்.
முட்டை இல்லாமலும் செய்யலாம். எண்
ணெய் ஸ்ப்ரே செய்தால் போதும்.

Thursday, January 27, 2011

ஆலூ ஸ்பினாச் சப்பாத்தி

தேவையானவை:
கோதுமை மாவு - 2 கப்
உருளைக்கிழங்கு - 1
ஸ்பினாச் - 1/2 கட்டு
மிளகாய்த்தூள் - 1 டீஸ்பூன்
கரம் மசாலா தூள் - 1/2 டீஸ்பூன்
உப்பு
எண்ணெய்

செய்முறை:

  • உருளைக்கிழங்கையும் ஸ்பினாச்சையும் தனித்தனியாக வேக வைக்கவும்.
  • நன்கு கையால் மசித்துக்கொள்ளவும்.
  • அத்துடன் எண்ணெய் தவிர அனைத்தையும் சேர்த்து நன்கு கலக்கவும்.
  • ஸ்பினாச் மற்றும் ஆலூ வேக வைத்த நீரை சேர்த்து சப்பாத்தி மாவு பதத்திற்கு பிசையவும்.
  • மாவை நன்கு மூடி 1/2 மணி நேரம் வைக்கவும்.
  • பிறகு சிறிய உருண்டைகளாக உருட்டி சப்பாத்தியாக போட்டு எடுக்கவும்.

Monday, January 17, 2011

மொச்சைக்கொட்டை கத்தரிக்காய் குழம்பு


பொங்கல் எங்க ஊர்லயெல்லாம் பட்டிப்பொங்கல் (மாட்டுப்பொங்கல்) தான் (2வது நாள்தான்) விஷேசமா இருக்கும். தோட்டத்துல பட்டி கட்டி அதுல கல் கூட்டி அடுப்பு செஞ்சு விறகெல்லாம் எடுத்துட்டு வந்து வெக்கனும். அப்பறமா மாடெல்லாம் கழுவி விட்டு அலங்காரம் பண்ணனும்.
அப்பறமா பட்டியில மாட்டுச்சாணி கொண்டு வந்து அதுல தெப்பக்குளம் கட்டணும். அப்பறம் பொங்கல் வெக்கணும்.

சாப்பிட பருப்பு, மொச்சைக்கொட்டை கத்தரிக்காய் குழம்பு, தட்டைப்பயறு அரசாணிக்காய் குழம்பு, ரசம், அரசாணிக்
காய் பொரியல், அவரைக்காய் பொரியல், ரசம், வடை, பாயசம், தயிர் இதெல்லாம் செய்யணும்.

இப்ப மொச்சைக்கொட்டை குழம்பு எப்படி செய்யறதுன்னு பாக்கலாம்.

தேவையானவை

மொச்சை - 1 கப்
கத்தரிக்காய் - 6 ( நீளவாக்கில் நறுக்கியது)
வெங்காயம் - 1/2 (நறுக்கியது)
கடுகு - 1 டீஸ்பூன்
கறிவேப்பிலை - சிறிது
புளிக்கரைசல் - 1/2 கப்

வதக்கி அரைக்க

சின்ன வெங்காயம் - 15
வரமிளகாய் - 6
சீரகம் - 1 டீஸ்பூன்
மல்லிப்பொடி - 1 டேபிள் ஸ்பூன்
மிளகு - 1/2 டீஸ்பூன்


செய்முறை
  • மொச்சையை 8 மணி நேரம் ஊற வைக்கவும்.
  • பிறகு அதைக்கழுவி குக்கரில் வைத்து 6 விசில் விட்டு வேக விடவும்.
  • வதக்கி அரைக்க கொடுத்துள்ளவற்றை சிறிது எண்ணெய் விட்டு வதக்கி நன்கு அரைக்கவும்.
  • கடாயில் எண்ணெய் விட்டு கடுகு தாளித்து, வெங்காயம் கறிவேப்பிலை சேர்த்து வதக்கவும்.
  • பிறகு கத்தரிக்காய் சேர்த்து வதக்கி, அதில் அரைத்த விழுதில் பாதியை சேர்த்து , புளிக்கரைசல் சேர்த்து கொதிக்கவிடவும்.
  • அதில் வேகவைத்த மொச்சை மற்றும் மீதி உள்ள அரைத்த விழுது சேர்த்து கொதிக்கவிடவும்.
மொச்சை குழம்பு ரெடி.

கடைசியாக சிறிது வேகவைத்த மொச்சையை அரைத்து சேர்த்தால் குழம்பு கெட்டியாக வரும்.
தேங்காய்ப்பாலும் சேர்க்கலாம்.

Related Posts with Thumbnails